Authored by Likha Liwanag | April 22, 2024 | Manila, Philippines | Explore other sections of this portal and read more stories here at EDITORIALPH | www.editorialph.com
Hindi lahat ng mabait ay mapupunta sa langit,
At hindi lahat ng masama ay mapupunta sa ilalim ng lupa.
Hindi lahat ng nasa loob ng simbahan ay maka Diyos,
At hindi lahat ng nasa kulungan walang takot sa Diyos.
Hindi lahat ng mayroon tattoo masama,
At hindi lahat ng walang tattoo mabuti sa kapwa.
Hindi lahat ng matalino ay nagtatagumpay,
At hindi lahat ng bobo walang mararating sa buhay.
Hindi lahat ng nakapag aral ay may magandang hanapbuhay,
At hindi lahat ng walang pinag aralan pangit ang kinabukasan.
Hindi lahat ng mataas ang tungkulin ay angat ang buhay,
At hindi lahat ng mababa ang kalagayan walang ambag sa lipunan.
Hindi lahat ng may pera ay masaya,
At hindi lahat ng walang pera nagluluksa.
Hindi lahat ng kumakain ay nabubusog,
At hindi lahat ng walang pagkain ay gutom.
Hindi lahat ng masipag ay may oportunidad,
At hindi lahat ng ayaw kumilos ay tamad.
Hindi lahat ng mabilis ay nananalo sa karera,
At hindi lahat ng mabagal laging talo sa buhay.
Hindi lahat ng tahimik ay payapa,
At hindi lahat ng maingay magulo ang buhay.
Hindi lahat ng salita ng salita ay magaling,
At hindi lahat ng tahimik walang kumpiyansa.
Hindi lahat ng nasa ibang bansa maganda ang buhay,
At hindi lahat ng nasa sariling bayan ay mahirap ang buhay.
Hindi lahat ng may magandang bahay ay masaya ang pamilya,
At hindi lahat ng nasa barong barong lang ay malungkot ang nakatira.
Hindi lahat ng may asawa masaya ang buhay,
At hindi lahat ng single malungkot ang drama.
Hindi lahat ng walang kasintahan naghahanap ng mag mamahal,
At hindi lahat ng nagmamahal kailangan ng kasintahan.
Hindi lahat ng nag drive ng sariling kotse ay komportable,
At hindi lahat ng nag kocommute hirap sa byahe.
Hindi lahat ng sumasakay sa jeep ay mahirap,
At hindi lahat ng nakasakay sa pribadong sasakyan mayaman.
Hindi lahat ng bagay ay makakamit mo sa buhay,
At hindi lahat kailangan mong malaman.
Hindi lahat! At hindi lahat!
Tumpak!